Aadhaar Free Update | ఆధార్ కార్డును (Aadhaar) ఉచితంగా అప్డేట్ చేసుకునేందుకు భారత విశిష్ట గుర్తింపు ప్రాధికార సంస్థ (UIDAI) గడువును మ‌రోసారి పొడిగించింది. దీంతో ప్ర‌జ‌లు జూన్ 14 వరకు ఎలాంటి రుసుము చెల్లించకుండా తమ ఆధార్ కార్డును అప్డేట్ చేసుకోవచ్చు. అనంత‌రం ఆధార్‌లో ఎలాంటి మార్పులు చేర్పులు చేయాల‌న్నా నిర్ణిత రుసుము చెల్లించాల్సి ఉంటుంది. నకిలీలు, మోసపూరిత కార్యకలాపాలను నివారించడానికి వినియోగదారులు తమ ఆధార్‌ను ఎప్పటికప్పుడు అప్డేట్ చేస్తూ ఉండాలి. ఎందుకంటే దేశంలో గుర్తింపు కోసంతోపాటు ప్రభుత్వ పథకాల్లో ల‌బ్ధిపొందాలంటే ఆధార్ కార్డ్ ఉండి తీరాల్సిందే.
ఆధార్‌ను ఎవరు అప్డేట్ చేయాలంటే..
ఆధార్ తీసుకుని 10 ఏండ్లు దాటిన ప్ర‌తిఒక్క‌రు తప్పకుండా అప్డేట్ చేసుకోవాలి. గుర్తింపు రుజువు, చిరునామాను అప్డేట్ చేయాలి. బ్లూ ఆధార్ కార్డు ఉన్న వారికి కూడా ఇదే నిబంధన వర్తిస్తుంది. ఐదేండ్ల కంటే తక్కువ వయస్సు ఉన్న పిల్లలకు బ్లూ ఆధార్ అందిస్తారు. ఆధార్ ఉన్నవారు తమ పేరు, చిరునామా, పుట్టిన తేదీ, జండ‌ర్‌, ఫోన్ నంబర్, ఇమెయిల్ చిరునామా, ఇతర అప్డేట్ చేయవచ్చు.
తనిఖీ చేయడం ఎలా..
ముందుగా https://uidai.gov.in/కి వెళ్లి, My Aadhaar డ్రాప్ డౌన్ కింద కనిపించే ‘Aadhaar Services’పై క్లిక్ చేయండి. ఆధార్ సర్వీసెస్‌లో అథెంటికేషన్ హిస్టరీకి వెళ్లండి. ఇక్కడ ఆధార్ నంబర్, క్యాప్చా నమోదు చేయండి. మీ నంబర్‌కు OTP వస్తుంది. దీన్ని నమోదు చేసిన తర్వాత, ప్రమాణీకరణ రకం తదుపరి పేజీలో కనిపిస్తుంది. ఇందులో అన్నీ ఎంచుకోండి. ఇది జనాభా, బయోమెట్రిక్ ప్రమాణీకరణ చరిత్ర కనిపిస్తుంది. ఇక్కడ మీరు ఎన్ని నెలల పాట తనిఖీ చేయాలనుకుంటున్నారో తేదీ పరిధిని ఎంచుకోవచ్చు. గత 6 నెలల ఆధార్ చరిత్రను చూడవచ్చు.మీరు దీన్ని PDFలో కూడా డౌన్‌లోడ్ చేసుకోవచ్చు. దీని కోసం, పేరులోని మొదటి నాలుగు అక్షరాలను క్యాపిటల్‌లో రాసి, తరువాత పుట్టిన సంవత్సరాన్ని రాయాల్సి ఉంటుంది.
అప్డేట్ ఉచితంగా ఇలా..
1. (myAadhaar) పోర్టల్‌ (uidai.gov.in/en) విజిట్ చేయండి.
2. మీ ఆధార్ నంబర్, మీ రిజిస్టర్డ్ మొబైల్ నంబర్‌కు అందిన ఓటీపీని ఉపయోగించి లాగిన్ చేయండి.
3. మీ ప్రొఫైల్‌లో కనిపించే ప్రస్తుత గుర్తింపు, అడ్రస్ వివరాలను రివ్యూ చేయండి.
4. ఏదైనా వివరాలను మార్చాలనుకుంటే నిర్దిష్ట డాక్యుమెంట్ (POI/POA) ఎంచుకోవాలి. ఆపై స్కాన్ చేసిన కాపీని (JPEG, PNG, లేదా PDF ఫార్మాట్, 2ఎంబీ కన్నా తక్కువ) అప్‌లోడ్ చేయండి.
5. మీ డాక్యుమెంట్లు అప్‌లోడ్ చేసిన తర్వాత కొత్త అప్‌డేట్‌కు రిక్వెస్ట్ చేయండి.
ఉచితంగా అప్డేట్ చేసే వివరాలు..
- పేరు
- అడ్రస్
- పుట్టిన తేదీ/వయస్సు
- లింగం
- మొబైల్ నంబర్
- ఇమెయిల్ అడ్రస్
- రిలేషన్‌షిప్ స్టేటస్
- ఇన్ఫర్మేషన్ షేరింగ్ కన్సెంట్
- ముఖ్యంగా, మీరు బయోమెట్రిక్ ఫీచర్లు మినహా అన్ని వివరాలను ఆన్‌లైన్‌లో అప్‌లోడ్ చేయవచ్చు. ఫేషియల్ ఫోటో, ఐరిస్ లేదా ఫింగర్ ఫ్రింట్ వంటి బయోమెట్రిక్ సమాచారం వంటి వివరాలకు ధృవీకరణ అవసరం. ఆధార్ ఎన్‌రోల్‌మెంట్ సెంటర్ విజిట్ చేయడం ద్వారా ఈ వివరాలను ధృవీకరించవచ్చు.
