మెగాస్టార్ చిరంజీవి నటిస్తోన్న ‘విశ్వంభర’. ‘బింబిసార’ ఫేమ్ వశిష్ట దర్శకత్వం వ‌హిస్తున్నాడు. మెగాస్టార్ చిరంజీవి నటిస్తోన్న మోస్ట్ ఎవైటెడ్ మాగ్నమ్ ఓపస్ మూవీ ‘విశ్వంభర’. ‘బింబిసార’ ఫేమ్ వశిష్ట దర్శకత్వంలో ప్రముఖ నిర్మాణ సంస్థ UV క్రియేషన్స్ అత్యంత ప్రతిష్టాత్మకంగా ఈ చిత్రాన్ని నిర్మిస్తోంది. పాన్ ఇండియా స్థాయిలో సోషియో ఫాంటసీ చిత్రంగా తెర‌కెక్కుతున్న ఈ సినిమాతో ప్రేక్షకులకు సరికొత్త అనుభూతిని అందించడానికి దర్శకుడు వశిష్ట అన్నీ క్రాఫ్ట్స్‌లో ఎంతో కేర్ తీసుకుంటున్నారు.
ప్ర‌స్తుతం ఈ సినిమా శ‌ర‌వేగంగా షూటింగ్ జరుపుకుంటుండ‌గా తాజాగా మేక‌ర్స్ క్రేజీ అప్‌డేట్ ఇచ్చారు. తాజాగా ఈ చిత్రం డబ్బింగ్ కార్య‌క్ర‌మాల‌ను పూజ‌లు నిర్వ‌హించి ప్రారంభించారు. ఈ విష‌యాన్ని మేక‌ర్స్ త‌మ సోష‌ల్ మీడియాల ద్వారా ప్ర‌క‌టించారు. ఈ చిత్రంలో హ‌నుమంతుడి భ‌క్తుడిగా మెగాస్టార్ చిరంజీవి క‌నిపించ‌నుండ‌డం విశేషం.
త్రిష ఈ సినిమాలో ప్రధాన కథానాయకురాలిగా నటిస్తుండగా, ఇంకా అషిక రంగనాథ్, ఈషా చావ్లా, సురభి, మీనాక్షి చౌదరిలు కీల‌క పాత్ర‌ల్లో న‌టిస్తున్న‌ట్లు స‌మాచారం.
ఈ చిత్రంలో ‘రంగ్ దే బసంతి, డాన్ 2, డియర్ జిందగీ’ వంటి అనేక బాలీవుడ్ ప్రాజెక్ట్‌లలో నటించిన కునాల్ కపూర్ విల‌న్‌గా న‌టిస్తున్నారు. లెజెండరీ మ్యూజిక్ డైరెక్టర్ ఎంఎం కీరవాణి సంగీతం అందిస్తున్నారు. ఈ చిత్రం 2025 జనవరి 10న విడుదల కానుంది.
