భువనగిరి: యాదాద్రి జిల్లా కేంద్రం భువ‌న‌గిరిలో (Bhuvanagiri) పెను ప్రమాదం తప్పింది. డీజిల్ కోసం పెట్రోల్ బంక్కు వచ్చిన లారీ నుంచి ఒక్కసారిగా మంటలు చెలరేగాయి. దీంతో పెట్రోల్ బంక్ సిబ్బంది ఆందోళ‌న‌కు గురయ్యారు. భువనగిరి ప‌ట్ట‌ణంలోని రిల‌య‌న్స్ బంక్ వద్ద‌కు డీజిల్ నింపుకోవ‌డానికి ఓ లారీ వ‌చ్చింది. సిబ్బంది డీజిల్ నింపడానికి సిద్ధమవుతుండ‌గా లారీ ట్యాంక్ నుంచి మంటలు వచ్చాయి. ఏం జరుగుతుందో తెలుసుకునేలోపే లారీ ఇంజిన్ నుంచి దట్టమైన పొగలు రావడం ప్రారంభ‌మైంది.
ఒక్కసారిగా భయాందోళనలకు గురైన పెట్రోల్బంకు సిబ్బంది వెంటనే తేరుకుని అగ్నిమాపక పరికరాలతో మంటలను ఆర్పివేశారు. దీంతో పెను ప్రమాదం తప్పింది. మంటలు అదుపులోకి రావడంతో అంతా ఊపిరి పీల్చుకున్నారు. ఈ ఊహించని పరిణమానికి అందరూ ఒక్కసారిగా ఆశ్చర్యానికి గురయ్యారు. ఘటనకు సంబంధించిన దృశ్యాలు సీసీటీవీ కెమెరాలో రికార్డయ్యాయి.
సీసీటీవీ ఫుటేజ్.. పెట్రోల్ బంకులో లారీ నుండి చెలరేగిన మంటలు
యాదాద్రి భువనగిరి శివారులో ఉన్న నయారా పెట్రోల్ బంకులో డీజిల్ పోసుకోవడానికి వచ్చిన లారీ డీజిల్ ట్యాంక్ పగిలి చెలరేగిన మంటలు.
అప్రమత్తమై మంటలను ఆర్పిన పెట్రోల్ బంక్ సిబ్బంది. pic.twitter.com/KUfe6Trmkw
— Telugu Scribe (@TeluguScribe) May 19, 2024
