నంద్యాల : టాలీవుడ్ న‌టుడు అల్లు అర్జున్ (Allu arjun) జ‌న‌సేన అధినేత పవన్ కల్యాణ్ (pawan kalyan) కు షాకిచ్చారు. ఏపీ ఎన్నిక‌ల్లో పవన్ క‌ల్యాణ్‌కు మ‌ద్ద‌తు ఇస్తున్నానని ప్ర‌క‌టించిన రెండు రోజుల‌కే అల్లు అర్జున్.. ఇవాళ వైసీపీ అభ్య‌ర్థికి మ‌ద్ద‌తుగా ప్ర‌చారం నిర్వ‌హించి, మెగా కుటుంబానికి షాకిచ్చారు.
వైఎస్సార్ సీపీ నుంచి నంద్యాల నియోజ‌క‌వ‌ర్గం ఎమ్మెల్యే అభ్య‌ర్థిగా పోటీ చేస్తున్న శిల్పా ర‌విచంద్ర కిశోర్ రెడ్డి విజ‌యం సాధించాల‌ని అల్లు అర్జున్ కోరుకున్నారు. ఇవాళ ఉద‌యం త‌న స‌తీమ‌ణి స్నేహ రెడ్డితో క‌లిసి అల్లు అర్జున్ నంద్యాల చేరుకున్నారు. అల్లు అర్జున్ దంప‌తుల‌కు శిల్పా ర‌విచంద్రారెడ్డి దంప‌తులు పూల‌మాల‌తో ఘ‌న స్వాగ‌తం ప‌లికారు. దీంతో అల్లు అర్జున్‌ను చూసేందుకు శిల్పా ర‌విచంద్రారెడ్డి ఇంటి వ‌ద్ద‌కు భారీ సంఖ్య‌లో అల్లు అభిమానులు చేరుకున్నారు. వారంద‌రికీ అల్లు అర్జున్ అభివాదం చేసి, శిల్పా ర‌విచంద్రారెడ్డికి ఓటు వేయాల‌ని విజ్ఞ‌ప్తి చేశారు.
2019 ఎన్నిక‌ల్లోనూ నంద్యాల నుంచి పోటీ చేసిన ర‌విచంద్రారెడ్డి టీడీపీ అభ్య‌ర్థి భూమా బ్ర‌హ్మానంద‌రెడ్డిపై 35 వేల‌కు పైగా ఓట్ల మెజార్టీతో గెలుపొందారు. ఈ ఎన్నిక‌ల్లోనూ గెలిపించాల‌ని శిల్పా ర‌విచంద్రారెడ్డి చేతిని ప‌ట్టుకుని త‌న అభిమానుల‌కు అర్జున్ చూపించారు. ర‌విచంద్రారెడ్డిని ప్ర‌జా సేవ‌లో చూడ‌డం ఎంతో సంతోషంగా ఉంద‌న్నారు అల్లు అర్జున్.
ర‌విచంద్రారెడ్డి అల్లు అర్జున్ స్నేహితుడు..
శిల్పా ర‌విచంద్రారెడ్డి స‌తీమ‌ణి నాగిని రెడ్డి, అల్లు అర్జున్ స‌తీమ‌ణి స్నేహా రెడ్డి ఇద్దరు మంచి ఫ్రెండ్స్. వారిద్ద‌రూ క్లాస్‌మేట్స్ కూడా. ఈ క్ర‌మంలోనే అల్లు అర్జున్, ర‌విచంద్రారెడ్డి స్నేహితుల‌య్యారు. ఇరు కుటుంబాల మ‌ధ్య మంచి సంబంధాలు నెలకొన్నాయి. స్నేహానికి అత్యంత విలువ ఇచ్చే వ్య‌క్తి అల్లు అర్జున్ అని గ‌తంలో ఓ ఇంట‌ర్వ్యూలో ర‌విచంద్రారెడ్డి వెల్ల‌డించారు.
View this post on Instagram
